الرئيسية / العاب / شرح مهمة الفان السوبر بالصور كاملة

شرح مهمة الفان السوبر بالصور كاملة

ملحوظه هامة فى البداية (( تم طرح هذا الشرح منذ عام 2011 تحت عنوان شرح مهمة الفان السوبر بالصور كاملة على كونكركو فى موقعنا ولكن بسبب حدوث مشكلة فى الموقع تم غلقه ولذا طرحنا الشرح فى هذا الموقع والشرح خاص بنا وحقوق الملكية لنا فقط ولموقع صب نيدز حالياً وقد تم تعديل جزء من الشرح بأسم موقعنا subneeds ولا يسمح بنقل هذا الشرح لأى موقع اى كان بدون ذكر المصدر وهو رابط الشرح هنا والا سيتم اتخاذ الاجراءت ضد اى موقع يأخذ شئ ليس من حقه شكراً ولكن وجب التنبيه))

السلام عليكم ورحمة الله تعالى وبركاته

اليوم موعدنا مع تانى اهم المهمات فى عالم لعبة كونكر اون لاين طبعا المهمه فى كتير جدا بيقول انها صعبه والكلام اللى ملوش لأزمه ده بس احنا ممكن نختصر الكلام ده بأن المهمه كويسه جدا بس فى شروحات كتير موضحتش المهمه بالشكل المطلوب عشان اللاعب يفهمها ومعظم الشروحات بتتعامل مع اللاعب اللى بيقرا الشرح على انه محترف طبعا هو لو محترف ايه اللى هيخليه يدخل يدور على شرح
مهمتنا النهارده ممكن نطلق عليها اكتر من اسم
شرح مهمة الفان السوبر
شرح كوست الفان السوبر
شرح كوستت الفان السوبر شرح مهمة الهافين فان
شرح كوستة الفانه السوبر
شرح مهمة فانة سوبر فى كونكر
شرح مهمة
heaven fan بالصور


عامة بدون اطاله عليكم نبتدى على طول بأذن الله فى شرح المهمة بتاعتنا النهارده ونقول
بسم الله الرحمن الرحيم
المهمه ليها مجموعه من الشروط اهمها التالى
1- تكون وصلت ليفل 100 عشان تقدر تعملها
2- تكون عملت مهمه التاور الاليت ولو معملتهاش وعاوز شرح دا شرح المهمه اهو
3- انك يكون معاك بتاع 50 الف كده ولا اقل ولا اكتر شويه مصاريف يعنى هنحتاج مصاريف
ندخل فى الشرح اولا هنروح على مدينة البيرد مان Bird Man حاجه الوليه اللى اسمها
Sugar Tang الجربه دى اللى كنا كلمنها فى اول مهمة الاستار تاور لو فاكرينها ولو موش فاكرينها عادى جدا ادى صوررتها
subneeds fan1.jpg
طبعا اول ما نكلمها هنلاقى اول اختيار هو اختيار الهافين فان هنكلمها زى الصوره دى بالظبط هنعمل
مهمة الفان السوبر
بعد ما نكلمها هتدينا حاجه شكل الربع جنيه المخروم كده لونها اخضر واسمها jadeite ودى صورتها طبعا بالدليل القاطع
شرح مهمة الفان
هتطلب منك الوليه دى حاجه اسمها
tang silk هتقولها اجبهالك منين دى ياحاجه هتقولك من واحد اسمه Villager Chou هتقولها موجود فين ده ياوليه انتى هتقولك فى الفونكس
بعد ما ناخد منها البتاع دى اللى اسمها jadeite هنروح بسرعه جدا جدا على الفونكس كاستل مدينة الفونكس اللى فيها الفاران والسادل والحجات دى phoenix castle عند شخص اكتع او اجرب منعرفش بالظبط اسمه Villager Chou فيلجر شو الله اعلم بأه ان كان شو ولا مدرى ولا ايش ولا منعرفلوش المهم مكانه هنلاقيه فى اخر الفونكس خالص فى اقصى يمين الخريطه بتاعتنا بس من غير ما نعدى البحر يعنى قصاد المينى كيف بتاع الفونكس بس الناحيه التانيه بدون ما نعدى البحر ومكانه بالارقام فى المكان ده تحديدا يعنى (457- 792) وعشان نركز اكتر دى صوره ليه متحدد عليها المكان والزمان وكل حاجه بالنسبه للراجل ده وشكله هو كمان
شرح مهمة الفانة
طبعا فى ناس وحتى موقع شركة كونكر الرسمى محدد المكان ده ( 456 – 788 ) عادى المكانين واحد المهم لما نكلم الراجل ده هيديلك 100 سيلفر واكس بى وهيطلب مننا حاجتين الاول 5 قطع من لحم الاسنيك واسمها اهو
snack meat ودى هنيجبها من
وحوش التعابين الخضرا اللى وانت رايح تجيب سادل او احصنه يعنى بتلاقيهم فى الطريق و حاجه اسمها bamboo wine ازازرة بامبو وين هنجيبها من الفونكس هتلاقيها بتتباع مع واحد قبيح اسمه wine kiddo دا واقف فى الفونكس كاستل داخل المدينه وهنبتدى الاول بالازازه اللى اسمها بامبو وين bamboo wine ودى تمنها من الراجل 10 الاف سيلفر ودى صورة الراجل اللى بيبعها اهو وصورة الازازه دى بعد ما اشتريناها كمان
شرح مهمة الفانة السوبر
بعد ما نشترى منه الازازه هنحتاج نجيب الطلب التانى اللى من الطلبات اللى طلبها مننا الراجل اللى قولنا اسمه
Villager Chou وكان طلبه التانى لحمة التعابين وقولنا ان اسمها snack meat وقولنا كمان ان التعبين دى لونها اخضر فى طريقك وانت رايح للسادل فى شمال شرق الفونكس ودى مكانها وصورتها
شرح مهمة الفان السوبر
زى ما احنا شوفنا فى الصوره اللى فاتت دى اننا جمعنا كل المطلوب الاسنيك ميت 5 ومعاهم الازازه المطلوبه هنرجع باه نديهم للراجل اللى طلبهم مننا
Villager Chou اللى قولنا عنه فى اقصى يمين الخريطه بتاعت الفونكس كاستل ودى صورته كمان مره اهى
شرح مهمة الفانة
هياخد مننا الحاجات اللى جبناها دى ويدينا حاجه مكانهم اسمها
tang silk ودى معناها قطعه من الحرير يعنى ودى شكلها بالظبط
شرح الفان السوبر

بعد ما ناخد البتاع دى هيطلب مننا اننا نروح على مينة البيرد مان للست اللى كلمناها فى اول المهمه خالص واللى اسمها شوجر تانج
Sugar Tang طبعا كلنا فاكرنها واللى موش فاكرها نفكره بيها تانى عادى هنكلمها هتدينا اكس بى وسيلفر عشان جبنلها البتاعه الحرير اللى كانت طلباها مننا و هتطلب مننا نروح على الديزرت سيتى مدينة الديزرت عارفينها كلنا طبعا ودى صورتها وهى بتقول الكلام ده
شرح الفانة السوبر
وفى الصوره واضح من الرساله تحديد النقطه دى بالظبط (490-618) نكلم واحد هناك اسمه kunlun wanderer
الراجل ده عجوز كده شكل بتاع البنك بعمه كده هنلاقيه واقف جنب الراجل اللى بيبيع الاسلحه والاسهم فى الديزرت سيتى بالظبط ودى صورته

زى ما شوفنا فى الصوره كده ان اول اختيار هو اى هاف تانج سيلك ان احنا بنقوله يعنى اننا معانا قطعة الحرير ياريس والبضاعه معانا ومتستفه وكله زى الفل
هيروح مديلك اكس بى ويقولك انه محتاج حاجه اسمها sacred water هتقوله اجيبها منين هيقولك هوديلك مكان تجيب منه الحاجه دى بس هات 10 الاف سيلفر عشان يدخلك مكان شكل المينى كيف اسمه viper cave وفعلا لما تديله العشر الاف هيدخلك المكان ده
شرح كوست الفان
ملحوظه هامه :
الناس اللى موش عامله كل مهمات السوبر واسطفتها ضعيفه قبل ما يدخل يجيب هيلث كتير اوى اوى دا مهم جدا الكلام ده
لما ندخل هنلاقى وحوش اسمها فيبر vipers ودى صورتهم داخل الكهف
شرح كوست الفانة
والوحوش دول هنموت فيهم لحد ما نوقع منهم حاجه اسمها poison fang
الحاجه دى شكل الزهره او القرن او الخابور الله اعلم بالظبط ودى صورتها بردوا عشان نكون فاهمين
شرح كوست الفان السوبر
ملحوظه : الحاجه دى بعد ما بنموت شويه من التعابين دول بتظهر لوحدها فى الايتمز بس محتاجه شوية صبر طبعا لما يجى عليك بويزن زى ما فى الصوره كده اللى فاتت على جسم الاكونت بتاع الموقع دا معناه ان الحاجه دى جات موش واحد ضاربنى بويزن ولا حاجه
طبعا انا فى الصوره اللى فوق دى معلم على ال
poison fang بس معلم على حاجه تانيه وهى وحوش خضرا شكل البانتيد او الوحوش اللى بتبأه فى الفونكس او السادل الوحوش دى اسمها Brigand ودى هى رقم اتنين من المطلوبات هنموت فيهم لحد ما نوقع منهم حاجه اسمها bee kettle ودى انا الاكونت هنج منى وانا بعمل المهمه فى المنطقه دى تحديدا ومجبتش الحاجه دى bee kettle ومع كده قدرت اكمل المهمه الحمد لله عادى من غيرها المهم هتخرج بره تكلم نفس الراجل اللى دخلك الكهف تانى اللى هو فى الديزرت سيتى اللى اسمه kunlun wonderer عشان الناس تفضل واخده بالها معانا هيديلك ازازه كده شكل بتاعت الماجيك اسمهاkunlun liquid
ودى صورتها
مهمة الفانة السوبر
جميل لحد هنا ياعم الحاج حيتنا لطيفه وعشتنا مرتاحه طيب وبعدين ؟؟؟!!!
اقولك انا وبعدين
هتدوس على الازازه دى كليك يمين هتتحد مع زهرة البويزن ولا قرن البويزن ده ويكونولنا حاجه تانيه ازازه اسمها sacred water
ودى اللى كان الراجل ده طلبها مننا فى الاول ودى صورتها عشان منتوهش مع نبعض ونفضل صحيين
كوست الفان
هنكلم الراجل ده تانى وبعدين ندوس على الازازه الجديده بتاعتنا اللى اسمها
sacred water واللى لسه شايفين صورتها حالا فوق كليك يمين بعد كده هتختفى وهتتحول القطعة الحرير من اسمها اللى كانtang silk الى اسم جديد خالص وهوpoem silk ودى صورة الكلام ده كله
كوست الفانة
طبعا هيطلب منك تروح لشوجر تنج
suger tangاللى فى البيرد مره تانيه وهى تقولك روح للراجل ده villager Chou بس عادى انا نفضت للحته دى وعملت كده
هنكلم الراجل مره تانيه هيدينا100 سيلفر واكس بى ويقولك روح للراجل ده villager Chou مباشرة بدون تضضيع وقت هى هى ع فكره بس ده شغل من الاخر موش زى المواقع اللى بتشرح وموش فاهمين اى حاجه فى البطاطس نختصر الوقت لأن المهمه طويله المهم هنروح للراجل ده villager chou اللى فى الفونكس هياخد مننا قطعة الحرير ويطلع لينا جارد اسمه crimson claw ودى صورته
كوست الفان السوبر
هنقتل الجارد ده ونكلم الراجل مره تانيه
هيدينا حاجه شبه الهيلثايه كده الدم اسمها
incense شكل الهيلث الصغير الاحمر ده
دى صورتها
كوست الفانة السوبر
وهيقولك روح للمكان ده
(471.844) هتروح للمكان وهنناك هتلاقى دوامه ودى صورتها
مهمة الفانه السوبر
بعد كده هتلاقى نفسك دخلت فى مكان شكل المكان بتاع السادل اللى بنجيب منه الاحصنه هتدخل فى المنطقه عند النقطه دى (
55.109) ولازم تقف فى النقطه دى بالظبط وبعدين تدوس على الهلثايه اللى قولنا ان اسمها incense كليك يمين هيظهر لينا شبح Herbalist Chou ودى صورته
مهمة الفان

هنكلمه ونفضل نختار اول واحده على طول هيختفى ويطلع لنا وحشين او بمعنى اصحى وحش زى كينج الاسنيك مان ومعاه جارد ودى صورتهم
مهمة الفانة
اول ما نموت الاتنين هتظهر لينا حاجه فى الايتمز او الباجه بتاعتنا شكل الاكس بول كده واسمها يامعلم purple eye ودى صورتها طبعا اهى

شرح كوست الفانة السوبر
تمام اوى اوى لحد هنا وبعدين ؟؟؟؟!!!! :-؟ 🙂

هى المهمه تزهق انا عارف بس كل حاجه محتاجه شوية صبر
هنسافر بأى رساله للفونكس او اى مدينه ومنها نطلع على الفونكس تانى ونرجع للراجل حبيبنا اللى مدوخنا من الصبح اللى اسمه
villager Chou هيسألنا اذا كنا جبنا الاكسبوله الى اسمها بربل اي purple eye ولا لا وبالمناسبه دى معناها العين الارجوانيه المهمه هنقوله ايوه طبعا جبناها هيقولنا تمام ويوح مدينا اكس بى وسيلفر ويدينا حاجه اسمها
hairpin هير بين ودى صورتها
شرح مهمه الفان السوبر
ويقولنا نروح ندور على واحده اسمها
jade scabter دى فى مدينة البيرد مان وبالتحديد اكتر فى النقطه دى (733.776) وطبعا دى صورتها
jade scabter
هتكلمها انت طبعا وتقولها ايه ياوليه مالك ياوليه انتى عامله مشاكل ليه ياوليه والناس بتشتكى منك هتقولك انا من سلالة اكلى لوم البقر من الاخر لا مخبرين ولا كمين هتقولها اذا لأقطعنك مثل البعوض واخلى اكبر حته فيكى ياكلها كتكوت هتقولك اذا اشهر سلاحك انت هتفع عليها السلاح ياريس على طول لأنها هتتحول لوحش ودا شكله
مهمة الفان السوبر بالصور
هنموت امها طبعا موش هنسيبها بعد ما تموت هتسيبلنا حاجه اسمها
jade scabter فى الايتمز بتاعنا ودى صورتها
مهمة الفانة السوبر بالصور

هناخدها ونروح على فين ؟؟؟!!!
اقولك انا احنا كده باه معانا حوالى 4 حاجات بالظبط
purple Eye و jade scabter و jadeite و hairpin
هناخد الحاجات دى كلها ونروح عند العواميد الاربعه اللى فى مدينة البيرد هنلاقى فى وسطهم ماسه او جوهره كده هنكلمها ودى صورتها
كوست الفان السوبر بالصور
بعد ما نكلمها هتقول لنا اننا لازم نكلم العواميد ونديهم الحاجات اللى معانا كل عمود هنختار له حاجه من اللى معانا بالدور اول واحده مع اول عمود من ناحية البحر لونه هيقلب اصفر او هيولع زى ما بيقولوا وبعدين العمود التانى اللى جنبه مع الاختيار اللى تحته من على الشمال وبعدين تالت عمود مع الاختيار اللى فوق على اليمين والرابع مع الاختيار اللى تحت على اليمين
لو عملت عمود غلط عادى عيد تانى مافيش مشكله لحد ما الاربع عواميد يدولك لون اصفر زى كده
كوست الفانة السوبر بالصور
بعد كده هنبدأ نكلم الجوهره اللى فى النص مره تانيه هنلاقيها دلختنا مكان شكل اللى كنا فيه فى مهمة التور الاليت الى حد ما وفيه 3 صنديق ودا شكله
شرح كوست الفانة السوبر بالصور
هتدوس على اى صندوق من التلاته هيطلعلك وحس عامل زى الخفاش يقال ان انت ممكن يكون حظك حلو وتظهرلك الفان على طول لكن دى عمرها ماحصلت معايا انا شخصياَ فأفتكر انها افتكاسه لو حصلت مع حد فيكم ياريت يكتبلنا الكلام ده
طبعا بعد ما دوسنا على الصندوق هيطلع لينا الوحش زى ما قولنا ودى صورته
شرح مهمة الفان السوبر بالصور
بعد ما نموته هتطلع لينا وحوش تانيه ودى صورتهم
شرح مهمة الفانة السوبر بالصور
بعد ما نموتهم كلهم فى راجل واقف فى المكان هنكلمه ونختار اول اختيار heaven fan عشن يدينا الفان لو ادهانا اوكـ لقناه هيبلطج وموش هيندهالنا فى صندوقين تانيين هنفتح اى واحد منهم تطلع لنا الفان وبعدين نكلمه تانى يودينا على البيرد مان من الاختيار التانى
ودى صورة الفان بعد ما اخدناها اهو
شرح كوست الفان السوبر بالصور
بس فى الصوره دى انا جهازى هنج فتلاقونى صورتها فى البيرد عادى هندخل تانى ونكلم الراجل ده وندوس على ماى بيلجر اللى هى دى
my pleasure
هياخد مننا الفان ويدينا مكانها كتاب كده شكل بتاع البوينتات اسمه poem book
هناخد الكتاب ده ونروح على الوليه اللى اسمها شوجر تانج دى
suger tang ونقولها حوليه لفان سوبر ياوليه هتقولك حاضر يامعلمى وتحوله زى الصوره دى تمام
شرح مهمة الفان السوبر بالصور كاملة على كونكركو
كده انتهي شرح كوست الفان السوبر بالصور متنساش تعمل شير لأصحابك عشان اللى معرفش يعملها ينفذ الشرح ده وان شاء الله يكون الشرح واضح وكويس ولو انت قديم معانا اكيد هتكون عارف ان ده شرح كان خاص بموقع كونكركو واننا غيرنا كونكركو الى صب نيدز

خليك ايجابي شير لغيرك زى ما استفدت فيد غيرك متاخدش اللى انت عاوزه وتجري

Like Our Page ...