الرئيسية / كونكر اون لاين / شرح مهمة اللبس السوبر ال120 بالصور Power Book

شرح مهمة اللبس السوبر ال120 بالصور Power Book

السلام عليكم ورحمة الله تعالى وبركاته

بسم الله الرحمن الرحيم

هام جداً: تم عرض هذا الشرح منذ فترة تحت عنوان شرح مهمة اللبس السوبر لفل 120 بالصور كوست power book كوستة ليفل 120 فى كونكر فى موقع كونكركو الخاص بنا ولكن بسبب حدوث مشكلة فى الموقع تم غلقه ولذا طرحنا الشرح فى هذا الموقع والشرح خاص بنا وحقوق الملكية لنا فقط ولموقع صب نيدز حالياً وقد تم تعديل جزء من الشرح بأسم موقعنا subneeds ولا يسمح بنقل هذا الشرح لأى موقع اى كان بدون ذكر المصدر وهو رابط الشرح هنا والا سيتم اتخاذ الاجراءت ضد اى موقع يأخذ شئ ليس من حقه شكراً ولكن وجب التنبيه

مرحبا من جديد بكل زوار واعضاء ومرتادى الشبكه الاكبر فى تاريخ لعبة كونكر هذا الصرح العربى الضخم الذى يهدف فى البدايه والنهايه الى ان يكون لاعبى كونكر فى كل مكان هم الاكثر تميزا والاكثر عبقريه والاكثر قوه هذا الصرح الذى من يوم ان تم انشائه حتى الان وهو يهدف الى توفير كل المحتوى الخاص بتلك اللعبه لكل لاعبيها فى كل مكان فى ارجاء الدول العربيه من مشرقها الى مغربها بكل سهولة ويسر وهو موقع كونكركو – شبكة قاهركو منكو واليكو بكل ادارتها وكامل اعضائها والعاملين عليها
موش هطول عليكو باه فى الوك لوك وخلينا ندخل فى الموضوع على طول
مهمة النهارده هى
مهمة اللبس السوبر
او
power book
او
من الاخر اللبس سوبر ليفل 120
المتطلبات فى المهمة
1 ميتور وبس
اللى يقولك ايرث توكن وسكاى توكن وموش عارف ايه دى عالم دماغتها تعبانه فكك منهم هو واحد ميتور بس عشان تاخد بيه الباور بوك
والاهم انك تكون ليفل 120 ياحاج
وهنبد المهمة بأننا نروح ناخد المهمة من عند الراجل فى الجوب سنتر واسم المهمه والراجل اهم
بالصور طبعا

مهمة اللبس السوبر

بعد ما ناخد المهمه هنروح على خارج الجوب سنتر فى التوين سيتى عند الراجل اللى اسمه اولد بيجر وبالانجليزى اهو oldbeggar عشان ناخد منه حاجه اسمها باور بوك والراجل ده شكل الراجل بتاع البنك بالظبط وطبعا هتلاقيه فى الاحدثيات دى (236389) وهيديلك اختيارين ودى صورتو

شرح مهمة اللبس السوبر

زى ما قولنا هتكلمه عشان يديلك الباور بوك ولازم يكون معاك الميتور هنا
ودى صورة الباور بوك

شرح مهمة اللبس السوبر بالصور

هتختار اول اختيار من على الشمال اللى هو please help me get بعد ما تختار الاختيار ده
بعد كده مباشرة الراجل هتكلمه مره تانيه هيجيلك اختيارين تانيين هتدوس على انتر ذا تريال كيف enter the trial cave هتلاقى نفسك دخلت كهف زى بتاع المينى كيف اللى فى الديزرت او فى الفونكس كاستل
فى وحوش المطلوب منك انك تموت نوعين من الوحوش ودول هتلاقيهم اول ما تدخل النوع الاول هتموت منه 20 وحش منهم والوحوش دى اسمها
Slinger Lv101 ودى صورتها

شرح مهمة اللبس السوبر بالصور

ولما تنتهى منهم بيظهرلك حاجه زى ضوء اصفر زى اللى كنا بنشوفه على العواميد لما كنا بنعمل مهمة الفان السوبر لو نفتكر على العواميد الاربعه فى مدينة البيرد مان bird man وطبعا هيديلك رساله يقولك انت كده فى السليم خلصتهم ويطلب منك انك تستكمل ده فى نمط قتل الوحوش ودى صورة الكلام ده

شرح مهمة اللبس السوبر بالصور

هتكمل قتل لكن موش فى دول احنا قولنا مطلوب نوعين يبأه هتدخل النوع التانى اللى موجود فى نفس المكان ومطلوب انك تموت منه 10 بس ودا اسمه
gold ghost Lv 108 بس فى شرط انك تموت الوحوش دى وانت لامس ماسه او جوهرة لونها اصفر بمعنى انك تسحب الوحوش وتقف على الجوهره وهما يجو عليك وتموتهم وانت جنبها والكهف فيه 3 جواهر او ماسات فى 3 اماكن وهما (2377) والتانى هو (136102) والتالت هو (104146) ودى صورة الماسه او الجوهره

شرح كوست اللبس السوبر بالصور

لو فرضنا وانت بأه يابرنسيس معملتش كده طبعا الوحش اللى هتموته بعيد عن الجوهره موش هيتحسب من ضمن العشره المطلوبين ياريسى واحد يقولى طب وهعرف منين اقولك انا اذا فكرت تموت وحش بعيد عن الجوهره كل ما تموت واحد فيهم هتظهرلك رساله مكتوب فيها انك لازم تموتها فى مكان من الاماكن التلاته اللى قولنا عنهم دول (2377) , (136102) , (104-146) وصورتها ومعناها ومضمونها فى الصوره دى

شرح كوست اللبس السوبر

وانا فى الصوره كمان محددلك على ظهور عدد الوحوش اللى قتلتها اتنين من العشره المطلوبين يعنى كده عندك طريقتين تعرف بيهم انت موت كام وحش دلوقتى بعد ما تنتهى من انك تموت العشره وانت لامس الماسه او الجوهره زى ما قولنا هتظهر ليك رساله بردوا توضحلك ان انت موت ال 10 وخوش بردوا هيظهر اللون الاصفر على الشاشه وهيوضحلك ان انت بكده موت العشر وحوش موش لازم نصور كل شويه احنا موش فاضيين للصور 😀 😀

المهم ياساحبى انت وهو تفتكر خلص الموضوع على كده 🙁
لا طبعا لازم يبضيو علينا
هيبدأ يطلب منك انك تموت من نوعين الوحوش هما هما اللى موتناهم قبل كده كل نوع 15 وحش وبتكون جاهز على انك مموت واحد من كل نوع بيشتغلونا يعنى 🙂
المهم احنا نعمل نفسنا عبط ونكمل ايزى والمره دى بدون شروط او قيود يعنى ايه ياخال
يعنى موش مطلوب انك تلمس ماسه ولا حتى اناناسه المهم تموت 15 من كل وحش ودى الصوره

كوست اللبس السوبر

بعد ما نموتهم هتظهر لنا رساله كالمعتاد تقول لنا ان احنا خلصنا المطلوب هيبدأ يطلب مننا حاجه جديده !!! بيض بيض يعنى 🙂

المهم ياترى ايه هى الحاجه دى ؟؟؟؟!!!! 

هيطلب منك ان انت تموت وحشين 2 من نوع اسمه بلادينج وبالعنجليزى Bladeling lv110
ودول عشان توصل لهم هما فى المرحله التانيه من الكهف ولازم تدخلها من السلم اللى فى اخر الكهف خالص تحت على اقصى شمال الخريطه فى احداثيات (156110) ودا بشرط انك تموت كل وحش فيهم خلال 10 ثوانى ودى صورتها

كوست اللبس السوبر بالصور

بعد الدخول مباشرة هتلاقى نوعين من الوحوش المطلوب دلوقتى هى الوحوش اللى اسمها Bladeling lv110 زى ما قولنا ودى هنموت منها اتنين بس بقول مره تانيه اهو ودول شكلهم زى زى الوحوش اللى فى الديزرت اللى اسمها بلاد جوست ودى صورتهم

مهمة اللبس السوبر 120

بعد ما ننتهى من قتل الوحشين كل وحش فيهم فى خلال 10 ثوانى زى ما قولنا قبل الصوره عشان الناس اللى عندها زهايمر 😀 😀 😀 😀
ندخل على اللى بعد كده وركز معايا اوى ياخال 🙁 🙁

هيطلب منك حاجه اسمها TeethMark ودى معناها سنة او بصمة اسنان يعنى ودى هنلاقيها من خلال اننا نموت الوحوش اللى شكل الفران او شكل الفاير رات اللى بيكونو فى الفونكس كاستل ودول فى نفس المكان اللى احنا موجودين فيه بردوا واسمهم AgileRat lv112 ودى صورتهم

شرح مهمة اللبس السوبر بالصور فى كونكر

الوحوش دى اللى شوفنا صورتها هنفضل نموت فيهم لحد ما تظهر لنا حاجه شكل السنه فى الباجه او الايتمز بتاعنا اسمها TeethMark ودى صورتها

مهمة اللبس السوبر بالصور فى كونكر

بعد ما تجيب السنه دى اللى هى اسمها TeethMark هتضغط عليها كليك يمين لحد ما يقولك انه تم ويطلب منك المرحله اللى بعد كده وهى انك تموت من نوعين الوحوش اللى فى المكان ده كل واحد فيهم 10 وحوش وبدون شروط وزى ما احنا عارفين طبعا ان النوعين اللى انا اقصدهم هما AgileRat lv112 و Bladeling lv110 كل واحد كام ياسطى ؟؟؟ 10 يابا الحاج 🙂
ودى صورة الطلب اهو ومعاه الوحوش مره تانيه عشان برود الناس اللى بتنسى

شرح مهمة اللبس السوبر بالصور 120

طيب دلوقتى احنا موتناهم وظهرت لنا الرساله اللى بتقول ان احنا موتنا ال10 وحوش من كل نوع
بعد كده هندخل على المرحلة التالته من المهمه الجميله بتاعتنا دى اللى انا شخصياً حبتها لدرجة اتبضنت منها وحاسس ان البيض نزل تحت الكرسى 🙂
ماعلينا

هيطلب مننا اننا نموت وحوش اسمها Blue Bird lv 115 ودى
زى ما قولنا هندخل على المرحله التالته وزى ما دخلنا للمرحله التانيه من السلم هندخل بردوا للمرحله التالته من السلم بردوا تحت خالص فى اخر الخريطه عند احداثيات (161120) ودى شكل السلم بردو اللى هندخل منه عشان محدش يقول ان انا ببخل عليكو بأى صور

مهمة اللبس السوبر بالصور 120

بعد لما ندخل على طول هنلاقى وحوش البلو بيرد دى تحت واسمها تانى اهو بالعنجليزى Blue Bird lv 115 والمطلوب ايه بأه يابرنسيس ؟؟؟؟ المطلوب انك تموت وحشين ودى صورة الوحوش دى اهى عشان نكون عارفنها بردو

شرح مهمة اللبس السوبر ال120 بالصور

بعد ما تنتهى من انك تموت الوحوش دى هيطلب منك تجبله حاجه شكل الجناح كده اسمها
Fiend Bat Wing ودى هتجبها لما تموت فى الوحوش التانيه اللى فى نفس المكان واللى شكل وحوش التومبات الزرقه واللى اسمها Fiend Bat lv 117 ودى صورتها

شرح كوست اللبس السوبر ال120 بالصور

بعد ما تموتهم زى ما قولنا هيظهر ليك الحاجه اللى احنا عاوزنها منهم اللى اسمها Fiend Bat Wing واللى المفروض انها شكل الجناح ودى صورتها

شرح كوست اللبس السوبر ال120

بعد ما ناخد الجناح فى داخل الكهف اللى احنا موجودين فيه هنلاقى نار وتحديدا اكثر موجوده فى الاحداثيات دى (067101) هتلاقى النار هتقف فى النار دى عشان تسوى الجناح وتاكله عشان يبأه عندك باور ياحاج
ودى صورة النار اللى بنتكلم عنها

مهمة اللبس السوبر ال120

بعد ما تقف فى النار شويه هيجيالك رساله معناها ان الجناح او اللحمه اللى معاك خلاص اكتمل طهيها او تسويتها يعنى وفيها اختيار هتدوس على يس وبعد كده تفتح الباجه او الايتمز اللى معاك وتدوس على الجناح اللى انت اخدته اللى اسمه Fiend Bat Wing كليك يمين بس خد بالك هيكون اتغير اسمه لـــ Roasted Fiend Bat Wing هتدوس عليه زى ما قولت لك كليك يمين مهم جدا انك تقف فى نص النار ومهم جدا ان تظهرلك الرساله انه اتعمل صح واسمه اتغير ومهم جدا جدا انك تفهم انه لو باظ هتروح تجيب واحد تانى وتالت ورابع وتعمله مره واتنين وتلاته عادى جدا مفيهاش حاجه
والاهم انك تعرف ان المهمة موش هتبقى باظت لو متعملش من اول مره وغالبا هيحصل ده
موش تقول باظت المهم اذا الويل لهم جميعا وبتاع وكلام نعناع والحركات دى 🙂
حاول مره واتنين وتلاته يابرنس 😛 😛

=========

بعد كده هيطلب منك ان انت تموت من كل نوع من النوعين اللى احنا فيهم دلوقتى خمسه اللى هما اساميهم Fiend Bat lv 117 , Blue Bird lv 115 كل واحد من الاتنين دول هنموت منه 5 وحوش ودى صورتهم

شرح مهمة power book

بعد ما تموتهم هيطلب منك ريشه واسمها Blue Bird Plume هترجع تانى تموت فى الوحوش اللى هى Blue Bird lv 115 عشان تجيب منهم الريشه المطلوبه هتفضل تموت لحد ما تجيبها وغالبا هتظهرلك فى اول وحش يعنى 

ودى صورة الريشة Blue Bird Plume

شرح كوست power book

وكفى الله المؤمنين شر القتال وربنا يكرم ونخلص عشان الدوالى 🙁

وكده ننتهى من المرحله دى :):) شوفتو السرعه القاسيه 😀 😀

ندخل بعد كده فى المرحله اللى بعدها ودى هيكون مطلوب فيها انك تقتل فى وحوش اسمها
Minotaur L120’s Body والمفروض تموت منهم 10 وحوش
وهندخل من السلم اللى فى اخر الخريطه تحت خالص على الشمال كالمعتاد
ان شاء الله ودا هتلاقيه فى الاحدثيات دى (157-116) ان شاء الله
وافتكر مافيش داعى للتصوير اتعودنا على كده واول ما تنزل مباشرة هتلاقى الوحوش المطلوبه ان شاء الله واللى هى شكل الوحوش اللى بتكون فى الماستك كاستل فى الديزرت اللى شكل الخرفان وعندها قرون دى اللى كان اسمها بلو مونستر لو نفتكر او التيران دى اى كان اسم ابو اللى خلفوها ركزو معايا يارجاله المفروض ان انت تموت الوحوش دى بأستخدام الريشه اللى معانا فى خلال وقت 3 ثوانى تكون موت الوحش ازاى دا باه ؟؟؟؟:( 🙁

انا اقولك ياريس ازاى انت تضرب الوحش من دول لما تعدم امه من الضرب ويكون دمه واقف على ضربه واحده منك وبعدين تفتح الايتمز بتاعك او الباجه وتظرف الريشه كليك يمين
وتموته هتظهر حواليك نار على شكل دايره ورساله بتقولك ان انت كده تمام انتهيت من اول وحش لحد ما تنتهى من ال10 وحوش ودى صورة الوحوش اللى بنتكلم عنها كل ده 😀

شرح مهمة powerbook بالصور

بعد ما تنتهى من قتل العشر وحوش هتكون كده خلاص انتهيت من المهمه كاملة هترجع تانى لمدينة التاوين سيتى للراجل اللى بدأنا من عنده المهمه الواطى اللى دخلنا الكهف ده لحد ما دوخ اهلينا معاه لو نفتكر اللى كنا بنقول عنه اللى شكل بتاع البنك واللى كان واقف عند احدثيات كام يابرنسيس انت وهو ؟؟؟ (236389) برافو عليك اساحبى وكان اسمه ايه ياسطى ؟ الله ينور فعلا اسمه Old Beggar هو ده الراجل المطلوب وصورته مره تانيه للناس اللى بتنســـــــــــــــى اهى

مهمة powerbook بالصور

بعد ما نننتهى من الكلام معاه هيقولك انت كده راجل محترم وزى الفل الله ينور عليك وزورونا كل سنة مره وبلاش تنسونا بالمره وحركات من دى هتقوله الله يخليك ياحاج دا بس من زوقك
هيقولك وانا اللى كنت فاكرك من الشباب البيجى بيجى اللى بيروح ويجي قوله عيب عليك ياخال موش اى اى ولا زى زى هيقولك اشطـــه 😀 😀
بعد كده هيقولك روح على الجوب سنتر عشان تاخد هديتك وهناخد بالنا هنا اننا لازم نختار اللبس السوبر الخاص بشخصيتنا موش اى لبس والسلام ودى صورة الهديه اهى

مهمة powerbook

وبعد ما بندوس عليها كليك يمين ادى اللبس السوبر اهو عشان الناس اللى بتحب تتفرج علي شكل الحاجه السوبر كل مره دول هههههههههههههههههه دى صورة اللبس السوبر ليفل 120

كوست powerbook

فاضل انك تنتهى انت كمان من المهمه
ومبروك عليك اللبس السوبر ياجميل انت وهو مقدما ان شاء الله وهنتظر تعليقاتكم كلكم كالمعتاد على الشرح المره دى ورأيكم فيه وطلباتكم اذا كنتم تحبو شروحات تانيه ولا لا وعاوزين شروحات لمهمات من شرحى الخاص او لا وياترى الشرح عاجبكم ولا المره دى موش تمام هستنى تعليقاتكم كلكم ان شاء الله

بعتذر للجميع عن اى تقصير هيكون فى الشرح ده او كان فى الشروحات السابقه

اسف لو كنت طولت عليكم فى الشرح

متنساش لو عجبك الشرح بلاش تكون سلبى واذا الشرح ساعدك حاول تساعد غيرك بأنك تعمل

شيررررررررررر لأصحابك

Like Our Page ...